توريد رخام ومواد بناء لحد الموقع

التوريد نص شغلنا. في عملاء عايزين بيت متشطب، وعملاء تانيين عايزين الخامة وعندهم صنايعيتهم. الاتنين أهلاً بيهم، والتوريد لوحده مش خدمة أقل.

لو بتدوّر على رخام أو جرانيت أو كوارتز، ابدأ من الكتالوج: 94 حجر بأساميهم ومصدرهم وتشطيباتهم، وكتير منهم متصوّر ألواح. ولباقي الخامات — أسمنت، حديد تسليح، رمل وزلط، طوب وبلوك، سيراميك، دهانات، مواد سباكة وكهربا — ابعتلنا الكميات أو الرسومات.

هتستلم مقايسة مكتوبة على اللي بعته بالظبط. مش بنكتب أسعار على الموقع، لأن أسعار الخامات بتتغير من أسبوع للتاني، وأي رقم على الصفحة هيبقى غلط على ما تقراه.